Kamanda wa Polisi kanda maalum ya Dar es Salaam Jumanne Muliro ametolea maelezo kuhusu sintofahamu iliotokea maeneo ya Lumumba, Ilala Dar es Salaam, video zilisambaa katika mitandao ya jamii zikionyesha askari wakiwa wamezingira eneo hilo huku wakirusha risasi ikisemekana kuna majambazi wamevamia katika moja ya ghorofa katika mtaa huo majira ya saa tano asubuhi siku ya Desemba 7 mwaka huu.
“Siyo majambazi, bali kuna vijana wawili ambao siyo wenyeji walipanda katika ghorofa hilo, na wakiwa huko, mwanamke mmoja anayeishi hapo aliwaona na hivyo akashtuka na kupiga kelele, akiomba msaada na vijana hao wakakimbia “ alisema Kamanda Muliro
“Kwahyo baada ya kelele hizo, mkazi mwingine anayeishi katika ghorofa hilo anaejulikana kwa jina la Amour Juma ambaye ni raia mwema alifyatua risasi tatu hewani na alifanya hivyo baada ya kusikia kelele kuomba msaada “ aliongezea kamanda Muliro.
“Uchunguzi unafanyika kujua wale vijana ni kina nani, nia yao ilikua ni nini kimsingi hawakuwa na bunduki wala panga licha ya kwamba walifika na kuingia mpaka juu ghorofani kwneye eneo hilo” alifafanua Kamanda Muliro.
