Mradi wa ujenzi wa matenki ya kuhifadhi na kusambaza mafuta unaojengwa na Serikali kupitia Mamlaka ya Usimamizi wa Bandari Tanzania (TPA) umefikia asilimia 33.57 na unatarajiwa kukamilika Agosti, 2026.
Akizungumza wakati alipofanya ziara katika mradi huo, Waziri wa Uchukuzi Mhe.Prof. Makame Mbarawa, amesema mradi huo unaojengwa Kigamboni jijini Dar es Salaam, ni muhimu kwa usalama wa Uchumi wa nchi.
Aidha Mhe.Prof.Mbarawa amesema kukamilika kwa ujenzi wa matenki hayo, kutasaidia kuongeza ufanisi na kupunguza gharama za kuhudumia meli za mafuta Bandarini.
Katika salamu zake za ukaribisho, Naibu Mkurugenzi Mkuu wa TPA Mha. Dkt. Baraka Mdima, amesema ujenzi wa matenki hayo umefikia asilimia 33.57 na ukikamilika utapunguza muda wa meli kusubiri kutoka siku 22 mpaka Saba na muda wa kuhudumia meli utapungua kutoka siku Saba mpaka moja.
