Barcelona na Real Madrid watakua miongoni mwa klabu zinazomwania kiungo wa kati wa Leicester Youri Tielemans, 24, ikiwa kiungo huyo wa kati wa Ubelgiji atauzwa, msimu ujao. (Athletic – subscription required)
West Ham wanashughulikia mpango wa kumsajili kiungo wa Juventus Weston McKennie, 23, na mazungumzo tayari yamefanyika juu ya mchezaji huyo wa kimataifa wa Marekani (Football Insider).
Winga wa zamani wa Bournemouth Arnaut Danjuma, 24, anafuatiliwa na Liverpool baada ya Mholanzi huyo kuanza msimu vizuri katika klabu yake mpya ya Villarreal (Voetbal International – Dutch).
Chelsea na Liverpool zipo katika kinyang’anyiro za kupata sini ya winga wa Newcastle na Ufaransa Allan Saint-Maximin, 24 (Calciomercato Express).
Tottenham huenda wakasubiri hadi msimu ujao badala ya Januari kabla ya kumuuza tena kiungo wake wa kati, Dele Alli (25) kutokana na thamani ya kiungo huyo wa England kushuka (Football Insider).
Barca wameungana na Bayern Munich katika kinyang’anyiro cha kumsaka winga wa Ajax Antony dos Santos 21, (Sport – Spanish).
Real Madrid wanamnyatia kiungo wa Inter Milan Alessandro Bastoni, mlinzi huyo wa Italia (22) inakadiriwa kuwa na thamani ya euro milioni 60 (Mundo Deportivo – Spanish)
Chelsea na Bayern Munich kwa sasa hawana mpango wowote wa kubadilishana wachezaji kati ya winga wa Marekani Christian Pulisic (23) na winga wa Bayern Mjerumani Leroy Sane (25) ila kumekuwepo kwa taarifa zinazosemekana klabu hizo zipo kwenye mazungumzo (Fabrizio Romano).
Kocha wa AS Roma Jose Mourinho anahitaji huduma ya kiungo wa kati wa Tottenham Tanguy Ndombele (24) katika klabu hiyo (Calciomercato via FourFourTwo).
Klabu ya Real Betis wameanza mazungumzo na mshambuliaji wake Nabil Fekir (28) kusaini mkataba mpya (Marca – Spanish).
Nahodha wa Tottenham na kipa wa Ufaransa Hugo Lloris, 34, amemuomba kocha Nuno Espirito Santo kuwa na subira na kumpatia muda aweke mambo sawa katika klabu hiyo (Evening Standard).
