Rais wa Jamhuri ya Muungano wa Tanzania, Samia Suluhu Hassan, amewahutubia washiriki wakati wa Hafla Rasmi ya Ufunguzi wa Mkutano wa Ubunifu wa Nishati ya Nyuklia kwa Afrika (#NEISA2026) uliofanyika mjini Kigali, akisisitiza umuhimu wa upatikanaji wa fedha, ushirikiano wa kikanda, utayari wa mifumo ya udhibiti pamoja na kujenga imani kwa umma katika kuendeleza mustakabali wa nishati ya nyuklia barani Afrika.
Rais Samia amesema kuwa ukuaji wa viwanda barani Afrika, mabadiliko ya kidijitali pamoja na ongezeko la mahitaji ya nishati vinahitaji mifumo ya umeme ya uhakika na endelevu itakayoweza kusaidia maendeleo ya muda mrefu katika nchi za Afrika.
Aidha, Rais Samia amesisitiza dhamira ya Tanzania kuendelea kuimarisha ushirikiano na kuchunguza matumizi ya amani ya nishati ya nyuklia kama sehemu ya mkakati wa muda mrefu wa nchi katika sekta ya nishati.
