Msanii na mmiliki wa lebo ya Wasafi Naseeb Abdul maarufu kwa jina la Diamond Platnumz, amekiri kuwa mtoto mwingine jijini Mwanza ukiachilia mbali watoto wanne wanaofahamika ambao ni Latifah na Nillan aliozaa na Zari Hassan, Naseeb Junior aliozaa na Tanasha Dona na Dylan aliozaa na Hamisa Mobetto.
Diamond amekiri uwepo wa mtoto huyo kwenye filamu ya Young, Famous and African baada ya kuulizwa ana watoto wangapi na washiriki wenzake.
“Miezi michache iliyopita mama yangu aliniambia alikutana na msichana mmoja ambaye namfahamu pia na akamwambia kuwa ana ujauzito wangu lakini hataki kuniambia kwa sababu ameshaolewa na mume wake anajua mtoto ni wake,” alisema Diamond.
Akieleza namna alivyokutana na msichana huyo, Diamond alisema kwamba alienda Mwanza kwenye kazi zake za kimuziki na ndio alipokutana na dada huyo mara moja, alieleza pia kuwa amefanya jitihada nyingi za kumpata mtoto wake lakini mwanamke huyo hayupo tayari.
Filamu hiyo ya Young, Famous and African imewakutanisha watu maarufu mbalimbali kutoka barani Afrika kama Zari, 2face, Annie Ibida, Andile, Khanyi Mbau, Nadia Nakai, Jeremiah Ogbodo na Dj Naked.
