Polisi nchini Kenya wamekamata gari lililotelekezwa kando ya barabara, karibu na kituo cha mafuta katika eneo la Mihango, kaunti ya Nairobi likiwa na jumla ya risasi 2,040 ambazo hazijatumika.
Polisi wamefanikiwa kukamata silaha hizo baada ya kupokea taarifa kutoka kwa wasamaria wema walioleza kusikia milio ya risasi katika eneo hilo ambapo baada ya Polisi kufika walikuta gari hilo aina ya Mitsubishi Lancer likiwa na matundu kadhaa ya risasi.
Baada ya Polisi kukagua gari hilo walikuta jumla ya katoni 34 zilizokuwa na jumla ya risasi 60 kila moja, risasi zinazotumiwa katika bunduki aina ya AK47.
Mashuhuda wameeleza kuwa gari lililokutwa na risasi lilishambuliwa na gari lingine ambapo wameeleza kuwa pengine aliyeshambulia alifikiri mhusika yupo ndani ya gari hilo halikuwa na mtu ndani yake.
