DJ Sinyorita kutoka nchini Tanzania ameibuka kidedea kwenye tuzo za AFRIMA 2021 usiku wa jana baada ya kushinda kipengele cha DJ bora Afrika kwa mwaka 2021huku akiwa piga chini Ma Dj wengine kama Dj Spinall kutoka nchini Nigeria, DJ Mix Premier (Ivory Coast), DJ Cuppy (Nigeria), Black Coffee (South Africa), na Dj Sly (Ghana).
Akipokea tuzo hiyo Dj Sinyorita alitoa shukurani kwa mashabiki zake pamoja na wale wote walifanikisha ushindi huo huku akielezea kwamba tuzo hiyo ni ya watanzania wote kwani bila wao asingeweza kuibuka mshindi.
“Ninafuraha sana, asante mashabiki zangu, AFRIMA nashukuru bila kusahau timu yangu nzima. Natetemeka sijui cha kusema, Tanzania hii tuzo ni yenu asanteni,” alisema Sinyorita.
Dj Sinyorita ndio mshiriki pekee kutoka Tanzania kushinda tuzo hiyo ya AFRIMA 2021 baadhi ya wasanii walioshinda tuzo hizo ni Nikita Kering kutoka Kenya kipengele cha Msanii bora wa kike Afrika Mashariki, Eddy Kenzo kama msanii bora wa kiume Afrika Mashariki, Legendary beatz mtayarishaji bora wa mwaka , Wizkid na Tems kipengele cha kolabo bora la mwaka na Essence kama wimbo bora wa mwaka, Wizkid kama msani bora wa mwaka na Sauti Sol kama kundi bora la mwaka.
