Mwanariadha Gabriel Geay, anayeiwakilisha vyema Tanzania katika mashindano ya mbio kitaifa ameshika nafasi ya nne katika mbio za Boston Marathon zilizofanyika Boston, Marekani.
Geay ametumia saa 2:07:53 kumaliza mbio hizo huku mshidi wa kwanza, Evans Chebet akimaliza mbio kwa saa 2:06:51.
Ingawa Geay amepanda daraja, ametumia muda mrefu zaidi ya kipindi cha nyuma alipovunja rekodi ya Tanzania kwa kutumia saa 2:04:55 kwenye mbio Milano na kuweza kufuzu kushiriki ‘2020 Tokyo Olympic Games.’
Peres Jepchirchir kutoka Kenya, aliyeshika nafasi ya kwanza kwenye mashindano ya 2020 Tokyo Olympics kwa kumaliza ndani ya saa 2:27:20, aliibuka pia mshindi wa kwanza kwa upande wa wanawake, ikiwa ni mara yake ya kwanza kushiriki Boston Marathon.
Jepchirchir alimaliza mbio ndani ya saa 2:21:01 ikiwa ni mapema zaidi ya muda aliotumia Tokyo.
