Rais Samia Suluhu amesema serikali inazitambua changamoto zinazowakabili vijana na hivyo ipo kazini kuhakikisha ufumbuzi wa changamoto hizo unapatikana.
Ameyasema hayo alipokuwa akihitimisha Kilele cha Mbio za Mwenge wa Uhuru pamoja na kumbukizi ya miaka 25 ya Baba wa Taifa Hayati Mwalimu Julius Kambarage Nyerere pamoja na wiki ya Vijana katika Uwanja wa CCM Kirumba jijini Mwanza.
“Serikali inazielewa changamoto zinazowakabili vijana na kwa kushirikiana na vijana wenu serikalini tunakwenda kuzifanyia kazi changamoto zinazowakabili.” amesema Rais Samia.
Rais Samia Suluhu akipokea Mwenge wa Uhuru kutoka kwa Kiongozi wa mbio hizo kitaifa Ndugu Godfrey Eliakim Mzava kwenye Kilele cha Maadhimisho Mbio za Mwenge wa Uhuru katika uwanja wa CCM Kirumba Jijini Mwanza.
Aidha,Rais Samia amewataka Watanzania kujitokeza na kujiandikisha katika daftari la wapiga kura wa uchaguzi wa Serikali za Mitaa utaofanyika Novemba 27, 2024, huku akisisitiza amani na utulivu wakati wa mchakato huo.
