Rais wa Benki ya Maendeleo ya Afrika (AfDB), Dkt. Akinwumi Adesina, ameisifu Tanzania kwa ukuaji wake wa kiuchumi na uimara wake, akihusisha mafanikio hayo na uongozi wa Rais Samia Suluhu Hassan.
Akizungumza jijini Dodoma tarehe 14 Juni, Dkt. Adesina alisema: “Nimevutiwa sana, Mheshimiwa Rais, na utendaji mzuri wa kiuchumi wa Tanzania na uimara wake chini ya uongozi wako thabiti na wenye maono.”
Alimuelezea Rais Samia kama “mwanamke mwenye moyo wa maendeleo” na kusisitiza kuwa Benki ya Maendeleo ya Afrika itaendelea kushirikiana na Tanzania katika juhudi za kuwaletea wananchi maendeleo. “Tanzania inastahili kuwekeza — ni nchi inayovutia wawekezaji,” aliongeza.
Barabra ya mzunguko wa nje jiji la Dodoma (Dodoma outer ring road)
Njia ya kuruka na kutua ndege katika Kiwanja cha Ndege cha Kimataifa cha Msalato
Kauli hizo zilitolewa baada ya ukaguzi wa pamoja wa miradi mikubwa ya miundombinu ikiwemo Uwanja wa Ndege wa Kimataifa wa Msalato na barabara ya mzunguko ya Dodoma, miradi inayofadhiliwa kwa sehemu kubwa na AfDB.
