Mwenyekiti wa Bodi ya Wakurugenzi ya Simba SC, Mohammed Dewji ametangaza kujiuzulu nafasi hiyo na kumteua Salim Abdallah, maarufu Try Again kuchukua nafasi hiyo.

Lakini Je! Try Again ni nani?

Kwanza, alikuwa Makamu Mwenyekiti wa Bodi ya Wakurugenzi wa Simba SC akimsaidia Mohammed Dewji.

Pili, alikaimu nafasi ya Urais Simba SC baada Evans Aveva ambaye alikuwa kwenye nafasi hiyo kushikiliwa na polisi kwa kesi ya utakatishaji wa fedha.

Tatu, aliwahi kuwa Mjumbe wa Bodi ya Wakurugenzi Simba Sports Club.

Mo Dewji afunguka sababu za ‘kujitoa’ Simba

Mo Dewji amethibitisha kukasimisha madaraka yake kwa Salim Abdallah kupitia video yake iliyowekwa kwenye kurasa zake za mitandao ya kijamii mapema hii leo Jumatano (Septemba 29).

Mo amewatoa wasiwasi mashabiki na wanachama wa klabu hiyo kwa kuwaambia kuwa kukasimu madaraka yake kwa kiongozi mwingine wa bodi, hakumaanishi kama yeye anaiacha klabu ya Simba, bali ameamua kujipa muda wa kuendelea na mambo mengine.

Amesema anaipenda na kuithamini klabu hiyo na katu hatoiacha hadi siku anaingia kaburini.