Kufuatia klabu ya Manchester United kupoteza mchezo wao Jumapili dhidi ya mahasimu wao wakubwa Liverpool, kwa kichapo cha goli 5-0, Liverpool imevunja rekodi kadhaa za Manchester United iliyojiwekea ndani ya ligi kuu ya England.
Zifuatazo ni rekodi zilizovunjwa na Liverpool dhidi ya Manchester United:
- Hii ni mara ya kwanza katika Historia ya Man United ndani ya EPL kuongozwa kwa magoli 4-0 kipindi cha kwanza (First half)
- Mo Salah ameweka Rekodi ya kufunga katika Michezo 10 mfululizo akiwa Liverpool.
- Klopp anaweka Rekodi ya kuwa Kocha pekee wa Liverpool ambaye hajapoteza mchezo hata moja kati ya michezo 7 mfululizo dhidi ya Man United ‘katika PL’.
- Vipigo vitatu vikubwa alivyofungwa Man United karibuni vyote amepigwa Mwezi wa 10, (6-1 vs Spurs Oktoba 2020) na (6-1 vs Man City Oktoba, 2011).
- Rasmi sasa Mo Salah ndiye Mwafrika aliyefunga magoli mengi Premier League (107).
- Mo Salah anakuwa Mchezaji pekee wa Kigeni (kutoka Afrika) kuifunga Man Utd katika uwanja wake wa nyumbani, Old Trafford tangu January 1992.
