Kila mtu anapenda kuwa na meno masafi meupe yanayong’aa ili pindi akicheka, akitabasamu au hata kuongea basi yaonekane vizuri, lakini wengi wameshindwa kujua namna yakupata muonekano huo kwani njia nyingi ni kwa kutumia dawa zenye kemikali.
ClickHabari kwa kuwa tunajali afya yako, basi tunakusogezea njia rahisi 4 ambazo uhitaji kutumia kemikali kusafisha meno.
Piga mswaki kila siku
Hakikisha unapiga mswaki kila baada ya kula na kabla hujalala, wakati unapiga mswaki weka dawa ya meno kinywani kwa dakika kadhaa kabla yakuitema. Ukifanya hivyo kila siku hakika meno yako yatapendeza
Sukutua na mafuta
Tumia mafuta ya asili, mfano mafuta ya nazi kusukutua mdomoni hii itakusaidia kuondoa harufu mbaya kinywani na pia kuacha meno katika hali nzuri.
Tumia mkaa
Jaribu kutengeneza dawa yako ya meno, chukua mkaa, usage kisha lowesha meno yako alafu upake mkaa na kuanza kusugua. Fanya hivyo mara kwa mara ili meno yaweze kung’aa.
Tumia vijiti vya mwarobaini
Unaweza pia kukata kijiti kwenye mti wa mwarobaini na kukigeuza kuwa mswaki na kuutumia kila siku. Baada ya muda utaanza kuona mabadiliko kwenye kinywa chako.
