Baada ya Will Smith kufungiwa kushiriki Tuzo za Oscars kwa miaka kumi kwa kuonekana kuchukulia ‘serious’ utani wa mchekeshaji Chris Rock kuhusu mke wake Jada Pinkett-Smith, walimwengu wameamua kufukua makaburi kumhusu bibiye.
Kati ya mambo wanayokumbusha watu ni Pinkett-Smith kuzungumza hadharani katika kipindi chake cha Red Table Talk akiwa na mama yake, Adrienne Banfield-Norris (Gammy), mumewe Will na binti yake Willow Smith kuwa hakutaka kuolewa na mumewe huyo wenye watoto wawili pamoja, miaka 23 na 21.
“Nilishinikizwa, unajua, nilikuwa mwigizaji mchanga, bado mdogo, mjamzito na sikujua la kufanya.
“Sikuwahi kutaka kuolewa,” aliongeza Pinkett-Smith.
Alienda mbali na kumwambia bintiye kuwa mama yake ndiye aliyemlazimisha aolewe na Will baada ya kupata mimba.
